Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 868 Hüküm no: 1469 Orijinal metin no: [122b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Salih’in küçük kızı Hadice’nin nafaka parası istememek kaydıyla boşandığı karısında kalmasına razı olduğu Ma‘rûz Medîne-i Üsküdar’da Toygar Hamza mahallesinde sâkine Hadice nâm sagīrenin babası Mustafa b. Salih mahfil-i Bâb’da meclis-i şer‘-i hatîrde zevce-i sâbıkāsı Nesibe bt. Mehmed nâm hatun mahzarında kızım sagīre-i mezbûrenin hakk-ı hıdânesi mezbûre Nesibe’nin olmağla bundan akdem külle yevmin dörder para nafaka ile bâ-hüccet-i şer‘iye infâk üzere iken bu esnâda mezbûre Nesibe esvâk ve bâzâr ve mezaristân aralarında suâl eylediği mesmû‘um olmağla sagīre-i mezbûreyi bana teslîme tenbîh olunmak matlûbumdur deyü da‘vâ ve beynlerinde ba‘de vukū‘i’l-münâza‘a bâ-tavassut-ı muslihîn mezbûre Nesibe sagīre-i mezbûreyi bilâ-nafaka infâk ve iksâ etmek üzere ta‘ahhüd ve mezbûr Mustafa dahi râzı olup bu vechile beynleri tevfîk olunduğu bi’l-iltimâs huzûr-ı âlîlerine i‘lâm olundu. Fî 11 min-S sene 1207.