Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 875 Hüküm no: 1481 Orijinal metin no: [124a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nacar’ın Mazarak kazasında zabt ettiği zeytin ağacını sahibine teslime söz verdiği Ma‘rûz Vilâyet-i Rumeli’nde Mazarak kazâsına tâbi‘ Finike karyesi re‘âyâsından olup medîne-i Üsküdar’a tâbi‘ Beylerbeyi karyesinde mütemekkin Yorgi v. Nikola nâm zimmî medîne-i mezbûrede mahfil-i Bâb’da meclis-i şer‘-i hatîrde Nacar v. Vened nâm zimmî muvâcehesinde târih-i i‘lâmdan on sene mukaddem sâlifü’z-zikr Finike karyesinde vâki‘ merkūm Nacar zimmînin mâlik olduğu bağı derûnunda emlâkimden bir aded zeytun ağacımı târih-i i‘lâma gelince on sene merkūm Nacar zimmî fuzûlî zabt ve beni tasarrufdan men‘ etmekle ber-vech-i muharrer müdâhalesi def‘ olunmak matlûbumdur deyü da‘vâ eyledikde ol dahi ikrâr ve fîmâ-ba‘d zikr olunan zeytun ağacını zabt etmeyip merkūm Yorgi zimmîye teslîme ve kemâ-fi’l-evvel tasarrufdan men‘ etmemek üzere ta‘ahhüd edip bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 21 min-S sene 1207.