Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 876 Hüküm no: 1483 Orijinal metin no: [124a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Saka Hüseyin’in haksız yere kaza voyvodası tarafından parasının alınmasına sebep olduğu iddiasıyla açtığı davada iddiasını ispat edemediği Ma‘rûz Vilâyet-i Anadolu’da Çemişgezek kazâsına tâbi‘ Savan karyesi ahâlisinden olup medîne-i Üsküdar’da misâfiren sâkin Saka Hüseyin b. Hasan mahfil-i Bâb’da meclis-i şer‘-i hatîrde Diba v. Aron nâm zimmî muvâcehesinde merkūm Diba zimmî târih-i i‘lâmdan üç sene mukaddem kazâ-i mezbûr voyvodasına bi-gayrı hakkın beni gamz edip yirmi beş guruş tecrîm etdirmekle mûcib-i şer‘îsini taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyâna kādir olamayıp merkūm Diba zimmî gıbbe’t-tahlîfi’ş-şer‘î mûcibiyle müdde‘î-i merkūm husûs-ı mezkûrda merkūm Diba zimmîye bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 20 min-S sene 1207.