Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 879 Hüküm no: 1489 Orijinal metin no: [124b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Molla Ahmed’in boğası bedelinden alacağı olduğu iddiasıyla açtığı davasını ispat edemediği Ma‘rûz Mahmiye-i İslâmbol’da Sultan Bâyezid-i Veli Câmi‘-i şerîfi kurbünde sâkin Molla Ahmed b. el-Hâc Mehmed medîne-i Üsküdar’da mahfil-i Bâb’da meclis-i şer‘-i hatîrde es-Seyyid Mehmed b. Ali mahzarında târih-i i‘lâmdan on beş gün mukaddem gāib ani’l-meclis Kapamacı zimmî zimmetinde boğası semeninden yirmi guruş hakkımı benim için ahz edip hâlâ zimmetinde kalmağla taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyândan izhâr-ı acz birle bi’t-taleb mezbûr es-Seyyid Mehmed gıbbe’t-tahlîfi’ş-şer‘î mûcibiyle müdde‘î-i mezbûr husûs-ı mezkûrda mezbûr es-Seyyid Mehmed’e bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 18 min-S sene 1207.