Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 880 Hüküm no: 1491 Orijinal metin no: [125a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Hamza’nın alacak davasını ispat edemediği Ma‘rûz Mahrûse-i Galata muzâfâtından kasaba-i Kasımpaşa’da sâkin Mehmed b. Hamza meclis-i şer‘-i hatîrde Abdullah b. İbrahim mahzarında ben ücret ile hizmet eder makūlesinden olup bundan akdem beher şehr üçer guruş ücret kavliyle mezbûr Abdullah’ın talebiyle kendiye dokuz buçuk ay hizmetim sebkat etmekle şühûr-ı mezkûrede zimmetinde müctemi‘ olan yirmi sekiz buçuk guruş hakkımı taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyân ve isbâta kādir olamayıp bi’t-taleb gıbbe’t-tahlîfi’ş-şer‘î mûcibiyle müdde‘î-i mezbûr husûs-ı mezkûrda mezbûr Abdullah’a bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 20 min-R sene 1207.