Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 881 Hüküm no: 1492 Orijinal metin no: [125a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Premedili Ahmed’in kendisinden haksız yere para aldıkları iddiasıyla Zelyo ve Hıristo’ya açtığı davada iddiasını ispat edemediği Ma‘rûz Vilâyet-i Rumeli’nde Premedi kazâsına tâbi‘ Zapa karyesi ahâlisinden Ahmed b. Abdullah medîne-i mezbûrede mahfil-i Bâb’da meclis-i şer‘-i hatîrde Zelyo v. Hıristo ve Hıristo v. Andriya nâm zimmîler muvâcehelerinde bundan akdem karye-i mezbûrede koyunlarımız ra‘y ederken merkūmân Zelyo ve Hıristo zimmîler tarlalarımıza koyunlarını idhâl etmişdin deyü bi-gayrı hakkın on guruşun ile sekiz guruş kıymetli bir koyunumu ahz etmeleriyle taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr müdde‘âsını beyândan acz birle bi’t-taleb merkūmân Zelyo ve Hıristo zimmîlerden herbiri gıbbe’t-tahlîfi’ş-şer‘î mûcibiyle müdde‘î-i mezbûr husûs-ı mezkûrda merkūmân Zelyo ve Hıristo zimmî bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 27 min-S sene 1207.