Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 882 Hüküm no: 1494 Orijinal metin no: [125a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin b. İbrahim’in alacağı olduğu Ma‘rûz Sâhib-i arzuhâl Hüseyin b. İbrahim medîne-i Üsküdar’da mahfil-i Bâb’da meclis-i şer‘-i hatîrde arzuhâlde mezkûr Kürd İbrahim b. Yakub mahzarında gāib ani’l-meclis Artin zimmî zimmetinde yetmiş guruş hakkım olup üç sene mukaddem gāib-i mezbûru Ağakapısı’na habsetdirdiğimde mezbûr İbrahim benim için emrimle meblağ-ı merkūm yetmiş guruşu gāib-i mezbûrdan ahz etmekle taleb ederim deyü da‘vâ ve mezbûr İbrahim cevâbında meblağ-ı merkūm yetmiş guruşu kabzını ikrâr ve yedi guruş resmini ba‘de’l-ihrâc altmış üç guruşu bin iki yüz iki senesinde tamamen kendiye teslîm etmişdim deyü eylediği def‘ini beyân için ba‘de’l-istimhâl ve’l-imhâl müddet-i mehl-i şer‘î tamam ve yedi gün dahi mürûr edip bir vechile beyân ve isbât edemeyip tahlîfe dahi tâlib olmamağla ikrârı mûcebince meblağ-ı bâkī-i merkūm altmış üç guruşu müdde‘î-i mezbûra edâ ve teslîme mezbûr İbrahim’e tenbîh olunduğu bi’l-iltimâs huzûr-ı âlîlerine i‘lâm olundu. Fî-selhi S. sene 1207.