Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 885 Hüküm no: 1500 Orijinal metin no: [125b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kıncı Mehmed’in on kuruş alacağı olduğu iddiasıyla açtığı davada iddiasını ispat edemediği Ma‘rûz Medîne-i Üsküdar’da Toptaşı’nda Kıncı Mehmed b. Mustafa medîne-i mezbûrede mahfil-i Bâb’da meclis-i şer‘-i hatîrde Bostanî İbrahim b. Mehmed muvâcehesinde mezbûr Bostanî İbrahim târih-i i‘lâmdan sekiz sene mukaddem yedimden bi-tarîki’l-karz istidâne ve kabz eylediği on guruş zimmetinde hakkım olmağla taleb ederim deyü ba‘de’d-da‘vâ ve’l-istintâk ve’l-inkâr müdde‘î-i mezbûr ber-vech-i muharrer müdde‘âsını beyândan izhâr-ı acz edip talebiyle mezbûr İbrahim gıbbe’t-tahlîfi’ş-şer‘î mûcibiyle müdde‘î-i mezbûr da‘vâ-yı mezkûresiyle bilâ-beyyine mu‘ârazadan men‘ olunduğu bi’l-iltimâs huzûr-ı âlîlerine i‘lâm olundu. Fî 3 min-Rebî‘ülevvel sene 1207.