Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 885 Hüküm no: 1501 Orijinal metin no: [125b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hadice bt. Hüseyin’in bez bedelinden alacağı olduğu Ma‘rûz Medîne-i Üsküdar’da Solaksinan mahallesinde sâkine ve zâtı mu‘arrefe Hadice bt. Hüseyin nâm hatun mahfil-i Bâb’da meclis-i şer‘-i hatîrde kezâlik mu‘arrefetü’z-zât Zeyneb bt. Hasan mahzarında mezbûre Zeyneb târih-i i‘lâmdan on beş gün mukaddem yedimden iştirâ ve kabz eylediği zirâ‘ ve fiyâtı beynimizde ma‘lûm hilalî ve bez semenlerinden otuz guruş ve beş para hakkımı taleb ederim deyü da‘vâ ve mezbûr Zeyneb cevâbında müdde‘iye-i mezbûreye cihet-i mezkûreden yirmi iki buçuk guruş ve beş para deyni olduğunu ikrâr ziyâde yedi buçuk guruşu inkâr etmeğin müdde‘iye-i mezbûre ziyâde müdde‘âsını beyâna ba‘de’l-havâle mertebe-i ikrârı olan yirmi iki buçuk guruş ve beş paranın edâsıyla mezbûre Zeyneb ilzâm olunduğu bi’l-iltimâs huzûr-ı âlîlerine i‘lâm olundu. Fî 16 min-S sene 1207.