Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 888 Hüküm no: 1507 Orijinal metin no: [126a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hadice bt. Ahmed’in mehir alacağı olduğu iddiasıyla kocası aleyhine açtığı davada sulh olduğu Ma‘rûz Medîne-i Üsküdar’da Selami mahallesinde sâkine mu‘arrefetü’z-zât Hadice bt. Ahmed nâm hatun mahfil-i Bâb’da meclis-i şer‘-i hatîrde zevc-i sâbıkı Ahmed b. Mehmed muvâcehesinde ben mezbûr Ahmed’in yüz guruş mehr-i müeccel tesmiyesiyle zevce-i medhûlün-bihâsı iken târih-i i‘lâmdan üç sene mukaddem beni tatlîk mârrü’z-zikr yüz guruş mehrimi mezbûr Ahmed’den taleb ederim deyü müdde‘iye-i mezbûre eylediği da‘vâsından bâ-tavassut-ı muslihîn beş guruş bedel-i makbûza sulh olup ziyâde müdde‘âsı olan doksan beş guruşa müte‘allika âmme-i de‘âvîden mezbûr Ahmed’in zimmetini ba‘de’l-ibrâ ve’l-kabûl bu vechile kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 3 min-Ra sene 1207.