Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 888 Hüküm no: 1508 Orijinal metin no: [126a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kolancı Seyyid Mehmed’in alacağı olduğu Ma‘rûz Medîne-i Üsküdar’da Selmanağa mahallesinde sâkin Kolancı es-Seyyid Mehmed b. Ahmed medîne-i mezbûrede mahfil-i Bâb’da meclis-i şer‘-i hatîrde Mehmed Emin b. İbrahim mahzarında mezbûr Mehmed Emin târih-i i‘lâmdan bir sene mukaddem yedimden bi-tarîki’l-karz istidâne ve kabz ve umûruna sarfla istihlâk eylediği otuz dört guruş zimmetinde hakkım olmağla taleb ederim deyü da‘vâ ol dahi cevâbında müdde‘î-i mezbûra ancak yirmi sekiz guruş deyni olduğunu ikrâr ve ziyâde altı guruşu inkâr etmeğin müdde‘î-i mezbûr ber-vech-i muharrer ziyâde müdde‘âsını beyân edemeyip talebiyle mezbûr Mehmed Emin’e yemîn teklif olundukda yemînden nükûlüyle sâbit olmağın mûcibiyle meblağ-ı merkūm otuz dört guruşu müdde‘î-i mezbûra edâ ve teslîme mezbûr Mehmed Emin’e şer‘an tenbîh olunduğu ba‘de’t-tescîl bi’l-iltimâs huzûr-ı âlîlerine i‘lâm olundu. Fî 3 min-Ra sene 1207.