Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 891 Hüküm no: 1513 Orijinal metin no: [127a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kasap Mehmed’in dükkânında etini sattığı için ecr-i mislini vermesi talebiyle Bakkal Apostol’a açtığı davada sulh olduğu Ma‘rûz Medîne-i Üsküdar’da Selami mahallesinde Kasab Mehmed b. Mustafa medîne-i mezbûrede mahfil-i Bâb’da meclis-i şer‘-i hatîrde Bakkāl Apostol v. Viraso nâm zimmî muvâcehesinde târih-i i‘lâmdan iki sene mukaddem merkūm Apostol zimmînin bir mikdâr koyunları olup talebiyle benim selhhânemde zebh ve lahmlarını üç buçuk ay âhara bey‘ etmemle ecr-i mislimi taleb ederim deyü eylediği da‘vâsından bâ-tavassut-ı muslihîn mezbûr Mehmed ile beş guruş bedel-i makbûza sulh olup ziyâde müdde‘âsına ve bi’l-cümle husûs-ı mezkûra müte‘allika âmme-i de‘âvîden merkūm Apostol’un zimmetini ba‘de’l-ibrâ ve’l-kabûl kat‘-ı münâza‘a eyledikleri bi’l-iltimâs huzûr-ı âlîlerine i‘lâm olundu. Fî 9 min-Ra sene 1207.