Üsküdar Mahkemesi 531 Numaralı Sicil (H. 1204-1207 / M. 1790-1793) cilt: 81, sayfa: 892 Hüküm no: 1515 Orijinal metin no: [127a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Beşe’nin sattığı pamuk ve pekmez bedelinden alacağı olduğu Ma‘rûz Mahmiye-i İslâmbol’da Ayazma Kapısı’nda sâkin penbeci ve pekmezci tâifesinden Mustafa Beşe b. Abdullah nâm kimesne medîne-i Üsküdar Bâb Mahkemesi’nde meclis-i şer‘-i hatîrde medîne-i mezbûrede Bakkāl Kiryako v. Yani nâm zimmî muvâcehesinde târih-i i‘lâmdan iki ay mukaddem yedimden iştirâ ve kabz eylediği vezn ve fiyâtı beynimizde ma‘lûm penbe ve pekmez semenlerinden otuz dört guruş ve beş para hakkım merkūm Kiryako zimmetinde kalmağla hâlen taleb ederim deyü ba‘de’d-da‘vâ ve’l-istintâk ve’l-ikrâr mûcibiyle meblağ-ı merkūm otuz dört guruş beş paranın edâsıyla merkūm Kiryako zimmî şer‘an ilzâm olunduğu bi’l-iltimâs huzûr-ı âlîlerine i‘lâm olundu. Fî 8 min-Ra sene 1207.