Galata Mahkemesi 7 Numaralı Sicil (H. 985 - 986 / M. 1577 - 1578) cilt: 33, sayfa: 64 Hüküm no: 69 Orijinal metin no: [24-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Küçüğün vasîsinden eşin mehr-i müeccelinin alındığına dair Bundan akdem vefât eden Maksud nâm kimesnenin Mustafa nâm sagīrine kıbel-i şer‘den vasî olan Mehmed Çelebi b. el-Hâc Mehmed mahzarında mahmiye-i Galata mahallâtından el-Hâc A‘mâ mahallesinde vefât eden merhûm Maksud Bey b. İbrahim’in zevcesi olan Güllâle bt. Abdullah kıbelinden vekîl olan bâ‘is-i sicil Pîrî b. Abdurrahman’dan sâdır olan da‘vâda, gıbbe’l-istişhâd şahidân-ı mezbûran şöyle şehâdet ettiler ki, müvekkilenin müteveffâ-yı merkūm Maksud Bey zimmetinde nikâhında ma‘kūdun aleyh olan mehr-i müeccelinden râyicü’l-vakt altı bin akçe mikdârında hakkı vardır. Müvekkile-i mezbûrenin kısmen veya tamâmen onu hibe etmediğine yemîn etmesinden sonra mûcebince hükm edildi. Sonra vekîl-i mezbûr, alacağını vasiyy-i mezkûr elinden alıp kabz etti. Cerâ zâlike ve hurrire fi’t-târihi’l-mezbûr. Şuhûdü’l-hâl: el-Mezbûrûn