Galata Mahkemesi 7 Numaralı Sicil (H. 985 - 986 / M. 1577 - 1578) cilt: 33, sayfa: 90 Hüküm no: 129 Orijinal metin no: [42-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İsmail b. Ramazan’ın vefat eden kardeşi Mehmed Reis b. Ramazan’a mirasçılığının sâbit olduğu İsmail b. Ramazan meclis-i şer‘de müteveffâ Mehmed Reis b. Ramazan’ın zevcesi Fâtıma bt. Musa nâm hâtunun da‘vâ ve husûmetine vekîl-i şer‘îsi Mehmed b. Hüseyin nâm kimesne mahzarında da‘vâ ve takrîr-i merâm edip mezbûr Mehmed Reis fevt olup li eb ve üm karındaşım olmağın irs-i şer‘le muhallefâtı bana intikāl eyledi muhallefât-ı mezbûreden hakkım taleb ederim deyicek mezkûr Mehmed’den suâl olundukda muhallefâtından bir mor köhne ferâce ikrâr edip ve mezkûr İsmail’in verâsetini inkâr edicek mesfûr İsmail’den sıdk-ı makāli üzre beyyine taleb olundukda udûl-i müslimînden Mehmed b. Nebi ve Mahmud b. Osman li ecli’ş’şehâde hâzırân olup fi’l-vâki‘ mezkûrân Mehmed Reis ve İsmail li eb ve üm karındaşlar ve Ramazan oğullarıdır min ciheti usûbetihi verâset İsmail’e münhasıradır deyû edâ-i şehâdet-i şer‘iyye ettiklerinde şehâdetleri hayyiz-i kabûlde vâki‘ [olup] verâset hükm olunup kayd olundu. Şuhûdü’l-hâl: İskender b. Abdullah, İbrahim el-İmâm, Ahmed b. Hüseyin ve Mustafa b. Yusuf el-Muhzır