Galata Mahkemesi 7 Numaralı Sicil (H. 985 - 986 / M. 1577 - 1578) cilt: 33, sayfa: 94 Hüküm no: 140 Orijinal metin no: [45-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yahya b. Abdullah ile damadı Hasan Reis b. Mustafa’nın birbirlerini miras davalarından ibrâ ettikleri Yahya b. Abdullah nâm kimesne meclis-i şer’de güveyisi Hasan Reis b. Mustafa nâm kimesne mahzarında ikrâr ve i‘tirâf edip bundan akdem kızım Zâhide fevt [olup] muhallefât beyne’l-verese kısmet olundukdan sonra mezbûr Hasan’da muhallefâtdan ba‘zı esbâb kalmışdır deyû da‘vâ etmiş idim hâlâ mezkûr Hasan yedinden seksen akçe alıp muhallefât-ı mezkûreye müte‘allik olan da‘vâdan zimmetini [ibrâ] eyledim mezkû[r] Hasan dahi hâtunum müteveffât Hurşid’in muhallefâtına müte‘allik olan da‘vâdan benim zimmetimi ibrâ eyledi dedikde mukırr-ı mezkûru mezbûr Hasan vicâhen tasdîk eyledikde sebt-i sicil olundu. Şuhûdü’l-hâl: Hüseyin Çelebi b. Nurullah ve Mehmed Çelebi b. Nurullah ve Mustafa Çelebi b. Nurullah ve Hasan b. Ahmed ve Mehmed b. Ali el-İmâm ve Mustafa b. Yusuf el-Muhzır