Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 60 Hüküm no: 38 Orijinal metin no: [6b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ferhad b. Abdullah Reis’in vasiyeti Ali Bey b. Abdullah ve Ahmed b. Abdullah nâm kimesneler, Halkulvâdi muhârebesinde fevt olan Ferhad b. Abdullah Reis’in sagīreynine vasiyy-i muhtâr olan Hürrem b. Abdullah Reis ve Haydar b. Abdullah mahzarlarında, hâmil-i hâze’l-kitâb Hasan b. Abdullah nâm mu‘takdan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki, müdde‘î-i mezbûrun efendisi müteveffâ-yı mezbûr, müdde‘î-i mûmâ-ileyhe râyicü’l-vakt bin sekiz yüz akçe vasiyyet etti. Şehâdetleri ba‘de ri‘âyeti şerâiti’l-kabûl ve ba‘de’t-ta‘dîl ve’t-tezkiyye inde’ş-şer‘ makbûl ve mû‘teber olmağın mûcebince hükm edildi. Mezbûrân, müteveffâ-yı mesfûrun malından meblağ-ı merkūmu ona teslîm etti. Mu‘tak-ı mezkûr da meblağ-ı merkūmu ikisinden ahz ü kabz etti. Şuhûdü’l-hâl: Hamza b. Abdullah, Hamza b. Haydar, Memi b. Abdullah, Muslihiddin b. Yusuf, Hasan b. Abdullah ve gayruhüm mine’l-hâzırîn.