Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 74 Hüküm no: 63 Orijinal metin no: [12b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Mehmed Bey’in terekesinden, karısı Rahime bt. Mehmed’in payının verilmesi Oldur ki Mahmiye-i Galata ve havâss-ı Kostantıniyye’de Cebeciler beytülmâl emîni olup Kiremitlik’de fevt olan Mehmed Bey nâm kimesnenin muhallefâtını kabz eden fahrü’l-ümenâ Mehmed Bey b. Hamza ve kâtibi Mehmed Bey b. Ahmed nâm kimesneleri Rahime bt. Mehmed nâm hâtun kıbelinden bimâ hüve nehcü’s-sübût vekîl-i mutlak olan işbu râfi‘ü’l-kitâb Ali b. Mehmed nâm kimesne meclis-i şer‘-i şerîfde ihzâr ve mahzarlarında takrîr-i kelâm edip müteveffâ-yı mezbûrun zevcesi müvekkilem mezbûre Rahime’ye bi hasebi’ş-şer‘ âid olan hissesinden beş bin akçe ve nikâhından iki bin akçe ve nafakasından dört yüz akçe hakkını taleb ederim dedikde gıbbe’s-suâl ve’l-inkâr da‘vâsına muvâfık beyyine taleb olundukda udûl-i müslimînden Mehmed b. Ali ve Eyüb b. Mustafa nâm kimesneler şehâdet edip şehâdetleri hayyiz-i kabûlde vâki‘ oldukdan sonra meblağ-ı mezbûr müdde‘î-i mesfûra hükm olundu. Hurrire fi’t-târihi’l-mezbûr. Şuhûdü’l-hâl: es-Sâbikūn.