Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 131 Hüküm no: 156 Orijinal metin no: [39a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Fâtıma Hâtun’un su sığırının, Ferhad Bey b. Abdullah’a satıldığı Oldur ki Mahmiye-i Galata’da beytülmâl emîni olan Musa Çavuş ve kâtibi Ali Bey mahfil-i kazâda Ferhad Bey b. Abdullah mahzarında ikrâr ve i‘tirâf eyleyip müteveffât-ı mezbûre Fâtıma Hâtun’un muhallefâtı içinden bir su sığırı bin iki yüz nakd-i râyic fi’l-vakt akçeye bey‘ eyleyip meblağ-ı merkūm bin iki yüz akçeyi merkūmûn yedlerinden bi’t-tamâm ve’l-kemâl alıp kabûl ve kabz eyledik dedikleri bi’t-taleb kayd ve tahrîr olunup yed-i tâlibe vaz‘ olundu. Şuhûdü’l-hâl: Hasan b. Şaban, Mustafa b. Abdülmennân, Ömer b. Mahmud, Ali Çelebi b. Keyvan, Mehmed Bey b. Veli. Ve müteveffât Fâtıma’nın vârisi Pîr Mehmed Çelebi tarafından vekîl olan müderris Sinan Efendi b. Muharrem.