Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 136 Hüküm no: 169 Orijinal metin no: [41b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Süleyman Bey b. Abdülmennân’ın yetimi Ömer’e, Hüseyin b. Abdullah’ın vasî tayin edildiği Mahmiye-i Galata hâricinde Kasımpaşa mahallâtından mahalle-i Sürûrî’de fevt olan Süleyman Bey b. Abdülmennân’ın yetîmi Ömer nâm sagīre kıbel-i şer‘den vasî nasb olunan Mustafa b. Yusuf hizmet-i vesâyetde acz izhâr edip hüsn-i ihtiyârıyla ferâgat edip yerine işbu hâmilü’l-kitâb Hüseyin b. Abdullah nâm kimesne mahall-i vasî vechile vesâyet-i merkūme uhdesinden gelir sâlih ve mütedeyyin kimesne olmağın kıbel-i şer‘den vasî nasb olunup merkūm Hüseyin vesâyeti merkūmeyi kabûl edip ve meclis-i şer‘de merkūm Mustafa mahzarında bi tav‘ihî ikrâr edip yetîm-i merkūmun babasından irs-i şer‘le intikāl eden nukūdu ve muhallefâtı bi’t-tamâm merkūm Mustafa yedinden alıp kabz ve kabûl eyledim dedikde merkūm Mustafa tasdîk edip ikrârı ketb ve tahrîr olunup yed-i tâlibe vaz‘ ve def‘ olundu ki lede’l-hâce müzekkir-i mâ cerâ ola. Tahrîren fî evâili Zilka‘de sene 998. Şuhûdü’l-hâl: Mustafa b. Ali, Rıdvan b. Ali, Hüseyin Bey b. Abdullah, Hüseyin Reis b. Mustafa.