Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 137 Hüküm no: 170 Orijinal metin no: [41b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kamer bt. Abdullah’ın, Hüsrev Ağa b. Abdülmennân’ın kendisine vakf eylediği ev hususunda Nasuh b. Hayreddin’i vekil tayin ettiği Mahmiye-i hâric-i Galata mahallâtından el-Hâc Memi mahallesi sâkinelerinden Kamer bt. Abdullah nâm hâtunun mevlâsı Hüsrev Ağa b. Abdülmennân mahalle-i mezbûrede vâki‘ menzilinin süknâsı mezbûre Kamer Hâtun’a şart eyleyip vakıf menzil husûsunda Nefîse Hâtun bt. Abdullah ile olan da‘vâsına Nasuh b. Hayreddin nâm kimesneyi vekîl eyledi deyû Veli b. Ali ve Cafer b. Mehmed nâm kimesneler şehâdetleriyle mezbûr Nasuh vekâlet-i merkūmeyi kabûl edip bu vesîka ber sebîl-i temessük ketb olundu. Fî şehri Zilka‘de sene 998. Şuhûdü’l-hâl: ( ).