Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 142 Hüküm no: 183 Orijinal metin no: [43b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sâliha bt. Abdullah’ın vasiyeti Abdülkādir Halîfe b. Mehmed el-İmâm ve Mehmed Çelebi b. Abdülkādir Halîfe el-İmâm ve Mehmed b. Abdurrahman el-Hâfız ve Ali Bey b. Abdullah nâm kimesneler meclis-i şer‘a hâzırûn olup, mahmiye-i Hazret-i Ebâ Eyyûb-i Ensârî’de vâki‘ Beytülmâl-i âm ve hâssın emîni Mehmed Bey b. Sinan ve kâtibi Şehsuvar Bey b. Mehmed mahzarlarında, mahmiye-i mezbûre mahallâtından ( ) mahallesinde bundan akdem fevt olan Sâliha bt. Abdullah nâm hâtunun zevci Kurd Mehmed Bey b. Hüsrev’den sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki, müteveffât-ı mezbûre, cemî‘ malının sülüsünü techîz ve tekfînine ve sâir vücûh-i hayrâta ve maslahat îcâb ederse ve hukūken lâzım olursa kassâm-ı askerî ve sûre-i Yâsin-i şerîfi ve sûre-i Mülk’ü tilâvete vasiyyet etti ve müdde‘î-i mezbûru vasiyyetlerinin tenfîzine vasiyy-i muhtâr kıldı. Müdde‘î-i mezkûr, vesâyet-i mesfûreyi kabûl edip hizmet-i lâzımesini edâyı müte‘ahhid oldu. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mû‘teber olmağın mûcebince hükm edildi. Cerâ zâlike ve hurrire fi’t-târihi’l-mezbûr. Şuhûdü’l-hâl: El-Mezbûrîn fi’s-sûreti’l-ûlâ.