Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 160 Hüküm no: 218 Orijinal metin no: [52a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Hüsam Reis b. Abdullah’ın, kölesi Keyvan b. Abdullah’ı beş yıl oğullarına hizmet edip azat olması için anlaştığı (mükâtebe) Mahmiye-i Galata hâricinde Kasımpaşa mahallâtından Tahtakadı mahallesinde fevt olan merkūm Hüsam Reis b. Abdullah nâm müteveffânın işbu orta boylu, sarışın, sağ elinin baş parmağı mecrûh olan Rûsiyyü’l-asl Keyvan b. Abdullah nâm gulâm mahfil-i kazâda müteveffâ-yı merkūmun tenfîz-i vesâyâ-yı mu‘ayyenesine vasiyy-i muhtâr olan zevcesi Fâtıma bt. Abdullah muvâcehesinde takrîr-i da‘vâ eyleyip müteveffâ-yı merkūm hâl-i hayâtında ve kemâl-i sıhhatinde oğullarına beş yıl hizmet etmek üzre beni kitâbete kesmişdir hâlen kıbel-i şer‘den temessük taleb eylerim dedikde gıbbe’s-suâl ve’l-inkâr ve’l-istişhâd es-Seyyid Ali b. Ahmed ve Perviz b. Abdullah nâm kimesneleri ecli’ş-şehâde meclis-i şer‘a hâzırân olup meclis-i şer‘a hâzırân olup fi’l-vâki‘ müteveffâ-yı mezbûr hâl-i hayâtında oğullarına beş yıl hizmet edip âzâd olsun dedi biz şâhidiz şehâdet dahi eyleriz deyû edâ-i şehâdet-i şer‘iyye eylediklerinde şehâdetleri ba‘de ri‘âyeti şerâiti’l-kabûl hayyiz-i kabûlde vâki‘ olup ketb ve imlâ olunup yed-i tâlibe vaz‘ olundu. Tahrîren fî şehri Zilhicce min şühûri sene 998. Şuhûdü’l-hâl: eş-Şuhûdü’s-sâbikūn.