Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 174 Hüküm no: 237 Orijinal metin no: [58a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Odabaşı Hasan Reis b. Abdullah’ın, Mevlânâ Mehmed Efendi b. Mahmud’a borçlu olduğu Kazâ-i Livadya sâkinlerinden fahrü’l-müderrisîn Mevlânâ Mehmed Efendi b. Mahmud nâm kimesne meclis-i şer‘-i şerîfde mahmiye-i Galata’dan olup Livadya’dan gelirken fevt olan odabaşı Hasan Reis b. Abdullah’ın, Abdülkādir b. Hasan nâm sagīrine kıbel-i şer‘den nâzır ta‘yîn olunan Hasan Efendi b. Hüseyin ve müteveffâ-yı mezbûrun zevcesi Aynî Hâtun bt. uncu Sinan Bey tarafından husûs-ı mezbûrda tesviye emriyçin Ali b. Abdullah ve Hüsrev b. Abdullah nâm kimesne şehâdetleriyle vekâleti sâbite olan Yusuf Bey b. Mahmud mahzarında takrîr-i da‘vâ eyleyip müteveffâ-yı mezbûr benden bir def‘a bin râyic fi’l-vakt akçe ve bir def‘a beş aded guruş karz-ı hasen alıp bir Londra yağmurluk rehin vermişdi hâlâ rehni getirip meblağ-ı merkūmu muhallefâtından taleb eylerim dedikde gıbbe’s-suâl ve’l-inkâr ve’l-istişhâd Muharrem b. Hasan ve Mustafa b. Ahmed nâm kimesneler şehâdet edip müteveffâ Hasan Reis mûmâ-ileyh Mehmed Efendi’den bir def‘a bin akçe ve bir def‘a beş guruş bizim huzûrumuzda vasî Hasan alıp zimmetinde bâkī kalmışdır deyû şehâdet-i şer‘iyye eyleyip şehâdetleri ba‘de ri‘âyeti [58b] şerâiti’l-kabûl makbûle olup bu vesîka ketb ve imlâ olunup yed-i tâlibe vaz‘ ve def‘ olundu ki lede’l-hâce müzekkir-i mâ cerâ ola. Tahrîren fî evâili şehri Muharremi’l-harâm sene 999. Şuhûdü’l-hâl: Hüsrev b. Abdullah, Ali b. Abdullah, Musli b. Ali, Mehmed b. Mustafa ve gayruhüm mine’l-hâzırîn.