Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 187 Hüküm no: 265 Orijinal metin no: [63b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kasım Bey Vakfı’nın, ölen Hasan Odabaşı b. Abdullah’a ödünç verdiği Mahmiye-i Galata sâkinlerinden olup fevt olan Hasan Odabaşı b. Abdülmennân’ın dâyinlerinden işbu hâmilü’l-kitâb mahmiye-i Kostantıniyye’de Kasım Bey Evkāfı’na bi’l-fi‘l mütevellî olan el-Hâc Ahmed b. Hasan mahfil-i kazâda müteveffâ-yı mezbûrun zevcesi Aynî bt. Abdullah’ın husûs-ı âtîye ve cemî‘ ahvâline vekîl-i şer‘î olan fahrü’l-a‘yân Sinan Bey b. Mahmud mahzarında takrîr-i da‘vâ eyleyip müteveffâ-yı mezbûra hâl-i hayâtında ve kemâl-i sıhhatinde vakf-ı mezbûre malından doksan sekiz Muharremi’nin evâilinde on bin akçe nakid akçe verdim idi meblağ-ı mezbûru hâlen muhallefâtından tevliyyetim hasebiyle taleb eylerim dedikde gıbbe’s-suâl ve’l-inkâr ve’l-istişhâd udûl-i müslimînden ve sikāt-ı muvahhidînden Şaban b. Osman ve Hasan b. Hızır nâm kimesneler [64a] meclis-i şer‘a li ecli’ş-şehâde hâzırân olup fi’l-vâki‘ meblağ-ı merkūm on bin akçe müteveffâ-yı mezbûrun zimmetinde idiğine şâhidleriz şehâdet dahi eyleriz deyû edâ-i şehâdet-i şer‘iyye eylediklerinden sonra mâ vaka‘a kayd şüd. Tahrîren fî evâsıtı Saferi’l-muzaffer li sene 999. Şuhûdü’l-hâl: Hüsrev b. Abdullah, Mustafa b. Ali, Ali b. Abdullah, Mehmed b. Mustafa.