Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 199 Hüküm no: 288 Orijinal metin no: [68b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nurcihan bt. Abdullah’ın, kocası Ali Bey b. Musa’dan intikal eden hissesini Ali Bey’in babası Musa Bey’den aldığı Bereketzâde mahallesinde fevt olan Ali Bey b. Musa nâm müteveffânın vârislerinden zevcesi Nurcihan bt. Abdullah nâm hâtun tarafından vekîl-i şer‘îsi olan el-Hâc Mustafa Bey b. Abdullah nâm kimesne mahfil-i kazâda işbu hâmilü’l-kitâb müteveffâ-yı mezbûrun babası Musa Bey mahzarında ikrâr ve i‘tirâf edip müteveffâ-yı mezbûrdan müvekkilem merkūme Nurcihan’a intikāl eden üç bin akçe mehr-i müeccel ve rub‘ hisse-i şer‘iyye bi’t-tamâm ve’l-kemâl alıp kabz eyledim eğer ba‘de’l-yevm husûs-ı mezbûra müstakil da‘vâ ve nizâ‘ sâdır olursa inde’l-hükkâm mesmû‘a olmaya dedikde mukırr-ı merkūmun mukarrun lehü’l-mezbûr ikrârını bi’l-muvâcehe tasdîk ve tahkīk edip mâ vaka‘a kayd şüd. Tahrîren fî evâili Cumâdelûlâ sene 999. Şuhûdü’l-hâl: Sinan b. Abdullah, Ramazan b. Ali, el-Hâc Cafer b. ( ), Cafer b. Abdüsselâm ve gayruhüm mine’l-hâzırîn.