Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 203 Hüküm no: 291 Orijinal metin no: [71a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Arapkirli Hüseyin Ağa’nın verâseti Sebeb-i tahrîr-i hurûf budur ki Udûlden Pîr Buyurdu b. Ömer ve İsmail b. Kulu nâm kimesneler, cerh ve ta‘dîl mahallinde nakil ve tahvîl maksadıyla hâzırân olup gıbbe’d-da‘vâ ve’l-istişhâdi’s-sahîh şöyle şehâdet ettiler ki, Mehmed isminde sagīr tek bir oğlu olan, Maksud Ağa nâm babası ve Fâtıma nâm zevcesi bulunan ve bundan akdem cezîre-i Kıbrıs’da sâkin iken medîne-i mahmiye-i Kostantıniyye’de fevt olduğu işitilen Arapkir kasabası ahâlîsinden Dergâh-ı âlî çavuşu Hüseyin Ağa’nın verâseti onlara münhasırdır. Müteveffâ-yı mezbûrun ana bir karındaşı hâmil-i hâze’l-kitâb Durak Bey, mezbûr oğluna kıbel-i şer‘-i şerîfden vasî nasb edildi. Mezbûr babası ve mezbûre zevcesi de hâmil-i merkūm Durak Bey’i hisselerinin kabz ve îsâline ve vakt-i hâcetde hükkâm-ı kirâm indinde muhâsama ve mürâfa‘aya vekîl eylediler. Hâkīkat-i hâl ve masdûkat-ı makāl gıbbe’t-taleb ve’s-suâl a‘lemü’l-ulemâ’i’l-mütebahhirîn yenbû‘ü’l-fazli ve’l-yakīn el-muhtas bi mezîdi inâyeti’l-meliki’l-mu‘în vârisü’l-ulûmi’l-enbiyâ ve’l-mürselîn mahmiye-i Kostantıniyye kadısı cenâb-ı fazîlet me‘âbına vâsıl ve nüvvâbdan kitâb-ı mezbûr vâsıl olan hükkâm-ı zevi’l-ihtirâm kıbellerine inhâ olundu ki kabûl ile in‘âm ve medlûlü ile amel-i tâm edeler. Tahrîren fî evâhiri Muharrem sene 999. Şuhûdü’l-hâl: Emir Ahmed Ağa ve Hüseyin b. Karaca, Uğurlu Ağa, el-Hâc Abdülkerim ve gayruhüm.