Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 207 Hüküm no: 298 Orijinal metin no: [72a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hüseyin b. Cemal’in, ölen Hüseyin Çavuş b. Maksud’daki alacağını ve vasiyet parasını, beytülmal emininden istediği Hüseyin b. Cemal nâm kimesne mahfil-i kazâda bundan akdem Beşiktaş mahallesinde fevt olan Hüseyin Çavuş b. Maksud’un muhallefâtından bin yüz kırk altına vâzı‘ü’l-yed olan beytülmâl emîni olan Musa Çavuş b. Kaya mahzarında takrîr-i kelâm ve tebyîn-i merâm kılıp dedi ki: Müteveffâ-yı mezbûre karz bin beş yüz akçe verdim. Ve müteveffâ-yı mezbûre hizmetim mukābelesinde bana bin akçe vasiyyet eyledi. Meblağayn-i merkūmeyn muhallefâtından taleb eylerim dedikde gıbbe’s-suâl mezbûr Hüseyin’den da‘vâsına mutâbık beyyine taleb olundukda udûl-i müslimînden fahrü’l-müderrisîn Mevlânâ Mehmed Efendi b. Hasan ve fahrü’l-mülâzımîn Ramazan b. Abdi nâm kimesneler meclis-i şer‘a li ecli’ş-şehâde hâzırân olup fi’l-vâki‘ meblağayn-i merkūmeyn bizim huzûrumuzda bin beş yüz akçe deynim vardır deyû ikrârına ve bin akçe dahi hizmetim mukābelesinde vasiyyet eyledim dediğine şâhidleriz, şehâdet dahi eyleriz deyû edâ-i şehâdet-i şer‘iyye eylediklerinden sonra mâ vaka‘a kayd-ı sicil olundu. Tahrîren fî evâili Cemâziyelâhir li sene 999. Şuhûdü’l-hâl: eş-Şuhûdü’s-sâbikūn. [72b] …? 2 fî şehri Cemâziyelâhir sene 999