Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 215 Hüküm no: 317 Orijinal metin no: [75a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şahin Bey b. Süvar’ın, ölen Hüseyin Çavuş b. Maksud’a sattığı malın parasını beytülmal emininden istediği Arapkirli Hüseyin Çavuş b. Maksud nâm müteveffânın dâyinlerinden Şâhin Bey b. Süvar meclis-i şer‘a mahmiye-i Galata’da beytülmâl emîni Musa Çavuş b. Kaya nâm kimesneyi ihzâr ve mahzarında takrîr-i kelâm edip dedi müteveffâ-yı mezbûra bu mahallede yirmi kantar penbe verdim. Her kantarı bin sekiz yüz akçeden cem‘an otuz altı bin akçe olur meblağ-ı merkūmu taleb eylerim dedikde gıbbe’s-suâl ve’l-inkâr ve’l-istişhâd udûl-i müslimînden Kasım b. Mehmed ve Mustafa b. el-Hâc Mahmud nâm kimesneler meclis-i şer‘a li ecli’ş-şehâde hâzırân olup fi’l-vâki‘ müteveffâ-yı mezbûra yirmi kantar penbe bizim huzûrumuzda bin sekiz yüz akçeye verdi. Müteveffâ-yı mezbûr dahi alıp kabz eyledi dedikde mezbûr Şâhin Bey’e meblağ-ı merkūmları kabz eylemediğine kıbel-i şer‘den yemîn müteveccih oldukda yemîn billâh eyleyicek mûcebiyle hükm olundu. Tahrîren fî evâili Cumâdelâhire sene tis‘a ve tis‘îne ve tis‘a mi’e. Şuhûdü’l-hâl: Abdülkādir Halîfe b. el-Hâc, Emînüddin b. Mehmed, Mehmed Halîfe b. Ahmed, Mustafa b. Halil, Şaban b. Mustafa, Ali b. Kasım, Abdülkerim b. Hamza, Hüseyin b. Mustafa, Süleyman b. Musa ve gayruhüm mine’l-hâzırîn.