Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 227 Hüküm no: 340 Orijinal metin no: [80b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İsa b. Mehmed ve kız kardeşlerinin, kardeşleri el-Hâc Kemal Bey b. Mehmed’den kalan yarım bağ hissesini Ramazan’a sattıkları Mahmiye-i Kostantıniyye’de kazasker efendi emriyle görülen maddedir Mahmiye-i Kostantıniyye mahallâtından Mercan Ağa mahallesinde bundan akdem fevt olan el-Hâc Kemal Bey b. Mehmed nâm kimesne[nin] li eb ve üm karındaşı olan İsa b. Mehmed nâm kimesne kendi tarafından asâleten ve kız karındaşları Nâsıra ve Şâhbula nâm hâtunlar tarafından vekâleten ve müteveffâ-yı mezbûrun zevcesi Fâtıma bt. Mezid nâm hâtun tarafından vekâleti bimâ hüve tarîkü’s-sübût şer‘an Yahya Çelebi b. Mehmed nâm kimesne meclis-i şer‘de Katırcı Mehmed b. ( ) nâm kimesne muvâcehesinde ikrâr ve i‘tirâf edip müteveffâ-yı mezbûrdan bana ve mezbûre hâtunlara intikāl eden Gemlik kazâsına tâbi‘ Müşkile nâm mevzi‘de vâki‘ olup inde’l-ahâlî ma‘lûmetü’l-hudûd olup mezbûr Katırcı Mehmed ile müşterek olduğum bağdan nısf hisse-i şâyi‘asın mezbûre Ramazan’a vekâleti hasebiyle üç bin yüz akçeye bey‘-i bâtt-ı sahîh-i şer‘î ile asâleten ve vekâleten bey‘ edip kabz-ı semen ve teslîm-i mebî‘ eyledik dediklerinde ba‘de’t-tasdîk kayd-ı sicil [olundu]. Tahrîren fî evveli Recebi’l-mürecceb sene 999. Şuhûdü’l-hâl: Süleyman Çavuş b. Abdullah, Mehmed b. Yusuf, Hasan Bey b. Abdullah, Kerim b. İshak, Behram Bey b. el-Bevvâbü’s-sultânî, Hasan Bey b. Abdullah el-Bevvâbü’s-sultânî, Ahmed b. Abdullah ve gayruhüm mine’l-hâzırîn.