Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 228 Hüküm no: 341 Orijinal metin no: [80b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. El-Hâc Kemal b. Mehmed’in, Pervin b. Abdullah’ı vasiyet yoluyla azat ettiği El-Hâc Kemal b. Mehmed nâm kimesnenin işbu orta boylu, açık kaşlı, sarışın, gök elâ gözlü ve alnının sol yanında eseri cerâhati olan Rûsiyyü’l-asl Pervin b. Abdullah nâm gulâm mahfil-i kazâda müteveffâ-yı mezbûr efendim hâl-i hayâtında ve kemâl-i sıhhatinde beni müdebber eyledi. Hâlâ i‘tâknâme taleb eylerim dedikde gıbbe’s-suâl ve’l-inkâr ve’l-istişhâd udûl-i müslimînden Bâli b. Seydi ve İlyas b. Mustafa nâm kimesneler li ecli’ş-şehâde hâzırân olup fi’l-vâki‘ müteveffâ-yı mezbûr, mezbûru âzâd eyledi deyû şehâdet-i şer‘iyye eylediklerinde mâ vaka‘a kayd şüd. Tahrîren fî evâili Cumâdelâhire sene 999. Şuhûdü’l-hâl: El-Hâc Süleyman b. Nurullah, Ali b. Yusuf, Mustafa b. Yunus, Bâli b. Memi ve gayruhüm.