Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 228 Hüküm no: 342 Orijinal metin no: [80b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kemal b. Mehmed’in vasiyetlerinin tenfîzine Seydi b. Yusuf’u vasî seçtiği Rıdvan b. Abdullah ve Mehmed b. Yusuf nâm kimesneler meclis-i şer‘-i şerîf ve mahfil-i dîn-i münîfde el-masûn ani’t-tağyîr ve’t-tahrîf- hâzırân olup, mahmiye-i Kostantıniyye mahallâtından Mercan Ağa mahallesinde bundan akdem fevt olan merhûm Kemal b. Mehmed’in karındaşı İsa b. Mehmed mahzarında, hâmil-i hâze’l-kitâb fahrü’l-akrân kilerci Seydi b. Yusuf’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki, müteveffâ-yı merkūm hâl-i hayâtı ve kemâl-i sıhhatinde müdde‘î-i mezbûru sülüs-i malından vücûh-i hayrâta ve eyyâm-ı mu‘tâdede it‘âm-ı fukarâya yaptığı vasiyyetlerinin tenfîzine vasiyy-i muhtâr seçdi. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mû‘teber olmağın mûcebince hükm edildi. Cerâ zâlike ve hurrire fî evâhiri Cumâdelâhire sene 999. Şuhûdü’l-hâl: Süleyman b. Nurullah, Ali b. Yusuf, Kerim b. Cemşid, Mustafa b. Yunus, Bâli b. Memi, İbrahim [b.] Hasan, Hüsrev. b. Abdullah, Mustafa b. Ali ve gayruhüm.