Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 235 Hüküm no: 355 Orijinal metin no: [83b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emine Hâtun bt. Abdullah’ın, ölen kocası Mehmed b. İskender Reis’in borçlarına karşılık rehin verdiği evin yarım hissesini satın aldığı Oldur ki Mahmiye-i Galata’ya emîn-i beytülmâl olan Musa Çavuş b. Kaya meclis-i şer‘a hâzır olup hâmiletü’l-kitâb Emine Hâtun bt. Abdullah mahzarında takrîr-i kelâm edip mahmiye-i mezbûre hâricinde Bedreddin mahallesinde vefât edip muhallefâtına vâzı‘ü’l-yed olduğum Mehmed b. İskender Reis’in zevcesi olan mezbûre Emine müteveffâ-yı mezbûr zevcinin muhallefâtında olup ( ) nâm kimesne dört bin akçeye rehn-i şer‘î olan menzile tâlib ve râgıb olup müteveffâ-yı mezbûrun düyûn-ı müsbetesinden mârrü’z-zikr olan dört bin akçeyi ve Hasan b. Mehmed nâm yetîme olan bin akçe deyni ve tekfîn ve techîz harcı olan bin akçe deyni ashâb-ı hukūka edâ eylemeği uhdesine alıp ve bin akçe dahi mehr-i müecceli mukābelesindeki kendine cem‘an yedi bin akçeyi edâ eylemek mukābelesinde mahalle-i merkūmede vâki‘ inde’l-cîrân ma‘lûmetü’l-hudûd olup ta‘rîf ve tahdîdden müstağnî olan menzilin nısf-ı şâyi‘ını vekâletim hasebiyle mezbûre Emine Hâtun’a bey‘-i bât ile temlîk eyledim. Mülk-i müşterâsıdır. Ba‘de’l-yevm keyfe mâ yeşâ’ mutasarrıfa olsun deyû bi’t-tav‘ ve’r-rızâ ikrâr ve i‘tirâf eyledikde mukırr-ı mezbûrun vech-i meşrûh üzre olan ikrâra mukarru’n-lehâ’l-mezbûre Emine Hâtun vicâhen ve şifâhen tasdîk edip vâki‘ hâl bi’t-taleb tahrîr ve tenmîk olundu. Cerâ fî evâili Recebi’l-mürecceb sene 999. Şuhûdü’l-hâl: A‘lâhu