Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 235 Hüküm no: 354 Orijinal metin no: [83b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emine bt. Abdullah’ın, ölen kocası Mehmed b. İskender’den kalan gemi hisseleri ile evin parasını, beytülmal eminine teslim ettiği Mahmiye-i Galata hâricinde Bedreddin mahallesinde vefât eden Mehmed b. İskender’in zevcesi Emine bt. Abdullah mezkûrun metrûkâtına vaz‘-ı yed eden emîn-i beytülmâl Musa Çavuş mahzarında takrîr edip merhûmda olan mehr-i müeccelim ve müşâ‘ olduğumuz firkatenin rub‘u ki hakkımdır. On iki bin akçe kıymet karâr olunmuşdur. Meblağ-ı mezkûr cem‘an on altı bin akçe olur. Sâkin olduğum evde fevkānî dârı ve bir fırını ve bir kenîfi müştemil ve bir tarafı Hümâ Hâtun ve bir tarafı Memi evi ve bir tarafı mezâr-ı müslimîn ve bir tarafı tarîk-i âm ile mahdûd olan dârını kabûl edip meblağ-ı mezkûru emîn-i mezbûra verdim dedikde mezbûr emîn tasdîk eylemeğin bi’t-taleb kayd-ı sicil olundu. Sene 999. Şuhûdü’l-hâl: Kemâ sebak.