Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 237 Hüküm no: 359 Orijinal metin no: [84a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Abdullah’ın, kölesi Kör Minho v. Kolomo’yu belli bir bedel karşılığı azat ettiği Mahmiye-i Galata hâricinde vâki‘ Fındıklı mahallesi sâkinlerinden Mehmed b. Abdullah nâm Reis-i sultânî meclis-i şer‘a hâzırân olup işbu hâmilü’l-kitâb orta boylu, sarışın, açık kaşlı, koyun elâ gözlü, başında, sağ cânibinde eser-i cerâhati olan a‘recü’l-asl Kör Minho v. Kolomo nâm abd-i memlûkü mahzarında takrîr-i kelâm edip, mezkûr ve mevsûf kulumun bahâsı için beş bin nakd-i râyic fi’l-vakt fıddî akçeyi bi’t-tamâm abd-i mezbûr yedinden kabz edip mülkümden ıtlâk ve malımdan i‘tâk edip rakabesi mezâyık-ı rıkdan ihrâc ve fezâ-yı hürriyete idhâl eyledim. Ba‘de’l-yevm mevâlî için utekā üzerine sâbit olan hakk-ı velâdan gayrı uhdesinde hakkım kalmayıp sâir ahrâr-ı asliyyîn gibi hürrü’l-asl oldu deyû ikrâr eyledikde mukırr-ı mezbûru, mukarrun leh-i mezbûr tasdîk edip vâki‘ hâl tahrîr olundu. Cerâ zâlike ve hurrire fî evâsıtı Recebi’l-mürecceb li sene tis‘a ve tis‘îne ve tis‘a mi’e.