Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 238 Hüküm no: 360 Orijinal metin no: [84b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kapudan Ali Paşa’nın, İstirati ve Gadisne adlı köleleri hizmetleri mukabelesi azat etmek için ıtknâme yazdırtması Efendi hazretlerinin arz-ı huzûr-ı müstevcibü’l-hubûrlarına i‘lâm-ı muhlis-i bî-iştibâh oldur ki Tersâne-i âmire’de kadîm mîrî esirlerden İstirati nâm kâfir ve Gadisne nâm iki nefer esirlere bundan akdem merhûm ve mağfûrun-leh kapudân Ali Paşa beş yıl va‘de ile yedlerine yıl kâğıdı verdi kim va‘deleri tamâm oldukda ıtknâmeleri verilip âzâd ola deyû eyle olsa yolcularına kâğıdların getir dedikde fi’l-vâki‘ müddetleri tamâm olmağın imdi hâmil-i tezkire Ahmed Çavuş huzûr-ı şerîfinize vardıkda kadîmü’l-eyyâmdan olageldiği gibi ıtknâmelerin tahrîr edip hâmil ve dâd ile bu cânibe irsâl oluna. Muhyi el-fakīr Hemdem, kethüdâ-yı tersâne-i âmire.