Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 238 Hüküm no: 361 Orijinal metin no: [84b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kapudan Ali Paşa’nın Gadisne ve İstirati adlı köleleri hizmetleri mukabelesi azat ettiği Oldur ki Bundan akdem merhûm kapudân paşa hazretleri işbu hâmilü’l-hurûf orta boylu, sarışın, açık kaşlı, elâ gözlü, sol gözü a‘mâ Kırımiyyü’l-asl Gadisne nâm kula ve orta boylu, kara yağız, çatık kaşlı, elâ gözlü İstirati nâm kula sene isnâ ve tis‘îne ve tis‘a mi’e Rebî‘ulevveli’nin gurresinde beş seneye varıncaya değin edâ-i hizmet edip târih-i mezbûrdan beş yıl tamâm oldukda ıtknâmesi yedine verile dediğimde hâlâ Tersâne-i âmire kethüdâsı Hemdem Ağa câniblerinden irsâl olunan Ahmed Çavuş [b.] Mehmed meclis-i şer‘a hâzır gelip mezkûr-ı mevsûf kulun yedinde olan temessüklerin irâe eylemeğin nazar olundukda fi’l-vâki‘ merkūmun mührü ile memhûr ve târih-i merkūm ile müverrah temessükler olmağın mâ vaka‘ahû tahrîr olundu. ( ) Sene 999. Şuhûdü’l-hâl: Ali b. Abd[i], Hüsrev b. Abd[i], Mustafa [b.] Ali, Kaytas Bey b. Abdullah.