Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 254 Hüküm no: 395 Orijinal metin no: [90a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. Mehmed Reis’in Musli Çelebi’yi vekil ettiği Mustafa b. Mehmed Reis, hâkim-i muvakki‘ huzûrunda meclis-i şer‘-i şerîfe hâzır olup, mahmiye-i Galata mahallâtından Kasımpaşa mahallesinde sâkin olan hâmil-i hâze’l-kitâb Musli Çelebi b. Mehmed’i, Câmi‘-i Kasımpaşa mahallesinde fevt olan merhûm babası reis-i sultânî Mehmed’den kendisine intikāl eden mîrâs hissesinin kabzına, cemî‘ umûruna, bey‘ ve şirâya dâir âmme-i mesâlihine, zimem-i nâsda bulunan haklarının istihlâs ve ahzına ve kendisine îsâline, hükkâm ve kuzât indinde da‘vâ, isbât, ikāme-i beyyinât ve mürâfa‘aya, husûmet ve istimâ‘-ı da‘vâya, vakt-i hâcetde tahlîfe ve tazmîne, hâkimden hüküm talebine ve işhâda “Re’yin îcâbı amel et ve azlden emîn olarak dilediğini yap” ma‘nâsında hâl-i sıhhatinde vekâlet-i mutlaka ile vekîl edip nefsine nâib kıldı. Müvekkil-i mezbûr, vekîl-i merkūmu kabz ve tasarrufda ve cemî‘ mâ zükirede müstakil kıldı. Musli Çelebi b. Mehmed de vekâlet-i mezbûreyi kabûl edip hizmet-i lâzımesini edâyı müte‘ahhid oldu. Cerâ zâlike ve hurrire fî evâhiri şehri Şa‘bâni’l-mu‘azzam sene tis‘a ve tis‘în ve tis‘a mi’e. Şuhûdü’l-hâl: es-Sâbikūn