Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 255 Hüküm no: 396 Orijinal metin no: [90a-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Âişe, Sâkine ve İsmi adlı kız kardeşlerin kocalarını vekil ettikleri Âişe bt. Mehmed, Sâkine bt. Mehmed ve İsmi bt. Mehmed er-Reis nâm hâtunlar, hâkim-i muvakki‘ huzûrunda meclis-i şer‘-i şerîfe hâzırûn olup, zevcleri hâmil-i hâze’l-kitâb Davud b. İbrahim’i ve hâmil-i hâze’l-kitâb Ferhad b. Abdullah’ı ve Murad b. Abdullah’ı, hâric-i mahmiye-i Galata mahallâtından Câmi‘-i Kasımpaşa mahallesinde fevt olan merhûm babaları reis-i sultânî Mehmed’den kendilerine intikāl eden mîrâs hisselerinin kabzına, cemî‘ umûrlarına, bey‘ ve şirâya dâir âmme-i mesâlihe, zimem-i nâsda bulunan haklarının istihlâs ve ahzına ve kendilerine îsâline, hükkâm ve kuzât indinde da‘vâ, isbât, ikāme-i beyyinât ve mürâfa‘aya, husûmet ve istimâ‘-ı da‘vâya, vakt-i hâcetde tahlîfe ve tazmîne, hâkimden hüküm talebine ve işhâda “Re’yin îcâbı amel et ve azlden emîn olarak dilediğini yap” ma‘nâsında hâl-i sıhhatlerinde vekâlet-i mutlaka ile vekîl edip nefislerine nâib kıldılar. Müvekkilât-ı mezbûrât, vükelâ-i merkūmîni kabz ve tasarrufda ve cemî‘ mâ zükirede müstakil kıldı. Vükelâ-i mezbûrîn de vekâlet-i mezbûreyi kabûl edip hizmet-i lâzımelerini edâyı müte‘ahhid oldular. Cerâ zâlike ve hurrire fî evâhiri şehri Şa‘bâni’l-mu‘azzam sene tis‘a ve tis‘în ve tis‘a mi’e. Şuhûdü’l-hâl: es-Sâbikūn