Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 256 Hüküm no: 399 Orijinal metin no: [90b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Tersâne-i Âmire’de esir olan Anton v. Bonato’nun yaşlılığı sebebiyle azat edildiği Oldur ki Merhûm kapudân paşa hâl-i hayâtında ve kemâl-i sıhhatinde işbu hâmilü’l-hurûf kısa boylu, açık kaşlı, elâ gözlü sağ elinde bir parmağı mecrûh olan Anton v. Bonato nâm esire bundan akdem otuz yıl mikdârı mîrî için hizmet etmekle pîr olmağın dokuz yüz doksan dört gurresinde beş yıla varınca mîrî kâfirlere vardiyan olup ba‘de’l-edâ i‘tâknâmesi verilmek için tahrîr ettirip verdiği tezkire hâlâ Tersâne-i âmire çavuşlarından Ahmed Çavuş yediyle bu cânibe vâsıl olmağın mazmûnuna nazar olundukda fi’l-vâki‘ merhûmun mührüyle memhûr ve târih-i merkūm ile müverrah tezkire olup mezkûr-ı mevsûfun ıtkı mukarrer görülüp sâir hürrü’l-asl gibi hür olması için işbu vesîka mâ hüve’l-vâki‘ tahrîr olundu. Tahrîren fî şehri Ramazân sene 999.