Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 279 Hüküm no: 437 Orijinal metin no: [99a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emine Hâtun bt. Pîrî’nin kocasından kalan muhallefât miktarını vasî Abdülbâki Çelebi b. Sinan’dan sorması Oldur ki Mahrûse-i Kostantıniyye’de el-Hâc Hamza nâm mahalle sâkinlerinden merhûm Mehmed Çelebi b. Mehmed Çelebi nâm (…) zevcesi olan Emine Hâtun bt. Pîrî Ağa meclis-i şer‘de vasî olan Abdülbâkī Çelebi b. Sinan muvâcehesinde takrîr-i kelâm kılıp merhûm-ı mezkûrun muhallefâtından bana ne mikdâr nesne verdin ve kendi uhdende ne mikdâr kaldı görülsün dedikde gıbbe’s-suâl vesâyetin ikrâr edip ve cevâb verdi ki cem‘an yüz on beş bin yüz seksen bir akçe metrûkâtı füruht olunup kabz eyledim. Hâlâ doksan beş bin yedi yüz akçesin bana ve sâir masrafa edâ edip bâkī zimmetimde on dokuz bin dört yüz on bir akçe kalmışdır deyû ikrâr ve i‘tirâf eyledikde vech-i meşrûh üzre olan ikrârı bi’t-taleb tahrîr olundu. Tahrîren fî evâili şehri Zilka‘deti’l-ûlâ sene 999. Şuhûdü’l-hâl: Mehmed Çelebi b. Hüseyin el-İmâm, Mustafa Çelebi b. Pîrî Ağa, Mehmed Bey b. Abdullah, Emrullah Çelebi b. Pîrî Ağa, Hüseyin Bey b. Yusuf.