Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 281 Hüküm no: 441 Orijinal metin no: [100a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. El-Hâc Nasuh b. Memi’nin, ölen Mehmed Bey’deki alacağını vârislerden tahsil ettiği Sâbıkan [mir-livâ-i] Biga olup vefât eden merhûm Mehmed Bey’in kız karındaşı olup merhûm-ı mezbûrun sulbiyesi olan Belkıs nâm sagīresine kıbel-i şer‘den vasî nasb olan Safiye Hâtun tarafından ve Hatice ve Fâtıma taraflarından vekâleti sâbite olup fahrü’l-akrân İbrahim Çavuş b. Mustafa nâm kimesne mahzarında el-Hâc Nasuh b. Memi nâm kimesne takrîr-i kelâm ve ta‘bîr-i merâm edip merhûm-ı mezbûrun zimmetinde olan yirmi beş bin sekiz yüz akçeyi mezbûr İbrahim Çavuş ile sulh eyleyip on bir bin akçeyi bi’t-tamâm ve’l-kemâl alıp kabz eyledim deyû ikrâr etmeğin bu vesîka-i enîka bi’t-taleb ketb olunup yed-i tâlibe vaz‘ olundu ki lede’l-hâce müzekkir-i mâ cerâ ola. Tahrîren fî evâhiri Şevvâl li sene tis‘a ve tis‘în ve [tis‘a] mi’e. Şuhûdü’l-hâl: Cafer Çavuş-ı Dergâh-ı âlî, Edhem Çavuş b. Gazanfer, Süleyman b. Abdullah, Behram b. Abdullah ve gayruhüm mine’l-hâzırîn.