Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 306 Hüküm no: 470 Orijinal metin no: [111a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed ve Ümmî adlı kardeşlerin Rus asıllı cariyelerini azat ettikleri Babaları bundan akdem hâric-i mahmiye-i Galata mahallâtından el-Hâc Memi mahallesinde fevt olan, bülûğunu mu‘terif olup yaşı da bunu mütehammil bulunan Ahmed b. Hüsrev nâm emred kimesneden ve Ümmî bt. Hüsrev’den âti’z-zikr âzâd ikrârına vekâleti Nasuh Bey b. Abdullah ve Hasan b. Abdullah’ın şehâdetleri ile sâbit olan Mustafa Bey b. Abdullah meclis-i şer‘-i şerîfe hâzırân olup, asâleten ve vekâleten, müteveffâ-yı mezbûr babalarından kendilerine intikāl eden orta boylu, açık kaşlı, elâ gözlü, Rûsiyyetü’l-asl Servinaz bt. Abdullah nâm câriye-i memlûkelerini hasbeten li’llâhi’l-azîm ve taleben li merzâti rabbihi’l-kerîm “yevme lâ yenfe‘u mâlün velâ benûn illâ men etallâhe bi kalbin selîm”, âzâd ve tahrîr ettiklerini ikrâr eylediler. Vâki‘ ikrâr, câriye-i mevsûfe-i mezbûre tarafından vicâhen ve şifâhen tasdîk edildi. Câriye-i merkūme bu sûretle sâir harâir-i asliyyât-ı mükellefât gibi hürre oldu. Cerâ zâlike ve hurrire fî evâili şehri Muharremi’l-harâm sene elf. Şuhûdü’l-hâl: Musa Çavuş b. Kaya, Hasan Bey b. Abdullah, Hasan Bey b. Abdullah el-Kâtib, Sinan Çelebi, Behram b. Abdullah.