Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 313 Hüküm no: 481 Orijinal metin no: [113b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. âlime ve Hatice adlı kadınların Rus asıllı kölelerini azat ettikleri Bundan akdem Tomtom mahallesinde fevt olan Hasan Çelebi b. Abdullah’ın zevcesi Âlime bt. Mahmud ve müteveffâ-yı mezbûrun kızı Hatice bt. Hasan kıbellerinden hasm-ı şer‘-i câhid mahzarında âti’z-zikr âzâd ikrârına vekâleti Ali b. Hüsrev el-Müezzin ve Mahmud b. İbrahim Reis-i sultânî nâm kimesnelerin şehâdetleri ile sâbit olan Mahmud Bey b. Abdullah meclis-i şer‘-i şerîfe hâzır olup, mezbûre müvekkillerinin, müteveffâ-yı mezkûrdan kendilerine intikāl eden, uzun boylu, açık kaşlı, elâ gözlü, Rûsiyyetü’l-asl hâmiletü hâze’l-kitâb Nazenin bt. Abdullah nâm câriye-i memlûkelerini hasbeten li’llâhi’l-azîm ve taleben li merzâti’r-rabbi’r-rahîm “yevme lâ yenfe‘u mâlün velâ benûn illâ men etallâhe bi kalbin selîm”, âzâd ve tahrîr ettiklerini ikrâr ve i‘tirâf eyledi. Câriye-i mezbûre bu sûretle sâir harâir-i asliyyât-ı mükellefât gibi hürre oldu. Cerâ zâlike ve hurrire fî evâhiri şehri Muharremi’l-harâm sene elf. Şuhûdü’l-hâl: Ali b. Abdullah, Mustafa Çelebi el-İmâm, Hamza b. Abdullah, Muhsin Çelebi b. Hâşim, el-Hâc Receb.