Galata Mahkemesi 15 Numaralı Sicil (H. 981 - 1000 / M. 1573 - 1591) cilt: 34, sayfa: 320 Hüküm no: 492 Orijinal metin no: [116b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Vârislerin, ölen Sâliha bt. Hızır’ın terekesini beytülmal emininden teslim aldığı Kasımpaşa’da Tahtakadı mahallesinde fevt olan Sâliha bt. Hızır’ın zevci ve vârisi olan Piyâle b. Abdullah nâm kimesne meclis-i şer‘-i şerîfde mahmiye-i Galata ve tevâbi‘inde beytülmâl emîni olup merhûme-i mezkûrenin muhallefâtına vâzı‘ü’l-yed olan Musa Çavuş b. Kaya nâm kimesne mahzarında ikrâr ve i‘tirâfla zevcem merkūme Sâliha’dan bana intikāl eden rub‘ hisse-i şer‘iyye yedi bin altı yüz elli bir akçe olmuşdur bi’t-tamâm ve’l-kemâl emîn yedinden meblağ-ı mezkûru alıp kabz eyledim husûs-ı mezkûra müte‘allik bi vechin mine’l-vücûh emîn-i merkūm ile da‘vâ ve nizâ‘ım yoktur dedikde mukırr-ı merkūmun ikrâr-ı meşrûhun emîn-i mezkûr bi’l-muvâcehe [tasdîk] ettikde mâ hüve’l-vâki‘ bi’t-taleb ketb ve tahrîr olundu. Şuhûdü’l-hâl: Hasan b. Hüseyin, Receb b. İsmail, üstâd Ali b. Mehmed, Hasan Bey b. Abdullah ve gayruhüm.