Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 53 Hüküm no: 13 Orijinal metin no: [2a-6] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mudârebe olarak verilen paranın geri alındığı Mahrûse-i İstanbul mahallâtından mahalle-i ( )’den Mehmed b. ( ) er-Râcil meclis-i şer‘-i şerîfde mahmiye-i Galata mahallâtından Yolcuoğlu mahallesinde vefât eden Rıdvan b. Abdullah nâm müteveffânın sagīre kızı Âişe’ye vasiyy-i şer‘î olan el-Hâc Süleyman b. Mehmed nâm kimesne mahzarında ikrâr ve i‘tirâf kılıp müteveffâ-yı merkūma hâl-i hayâtında mudârebeye on dört bin nakid akçe vermişdim hâlen vefât eyledikde muhallefâtından taleb eylediğimde vasiyy-i merkūm muhallefâtına vâzı‘ü’l-yed olmağın on dört bin akçeyi mezbûrun yedinden bi’t-tamâm ve’l-kemâl alıp kabz eyledim min [ba‘d] muhallefât-ı mezbûrede bir akçe hakkım yoktur dedikde mukırr-ı merkūmu ikrâr-ı meşrûhunda vasiyy-i mesfûr müşâfeheten tasdîk edicek mâ vaka‘a bi’t-taleb tahrîr olundu. Şuhûd: Es-Sâbikūn