Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 59 Hüküm no: 25 Orijinal metin no: [3b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emtia bedelinin alındığı Sebeb-i tahrîr-i hurûf budur ki Bundan akdem Müeyyedzâde mahallesinde sâkin iken vefât eden merhûm Abdi Bey b. Mahmud nâm kimesnenin sagīr oğlu Mustafa nâm sagīrin kıbel-i şer‘den vasiyy-i mansûbu olan Mustafa b. Ali nâm kimesne meclis-i şer‘-i şerîfde hâmil-i kitâb el-Hâc Mustafa zimmetinde revgan-ı sâde bahâsından ve incir bahâ ve zeyt [ve] üzüm bahâsından cem‘an sekiz bin sekiz yüz akçe hakkı bâkī kalmış idi el-hâletü hâzihî meblağ-ı mezbûru merkūm el-Hâc Mustafa’dan vesâyetim hasebiyle bi’t-tamâm ve’l-kemâl ahz ü kabz eyleyip min ba‘d merkūm el-Hâc Mustafa zimmetinde bir akçe ve bir habbe bâkī kalmadı dedikde mukırr-ı mezbûrun vech-i meşrûh üzre olan ikrârını mukarrun lehü’l-mezbûr vicâhen ve şifâhen tasdîk ve tahkīk ettikden sonra mâ hüve’l-vâki‘ alâ vukū‘ihî bi’t-taleb ketb olunup yed-i tâlibe vaz‘ olundu. Hurrire fi’t-târihi’l-mezbûr. Şuhûd: Hüsrev b. Abdullah, Mehmed b. Abdullah, el-Hâc Mustafa b. İbrahim, İbrahim b. Mustafa ve gayruhüm