Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 63 Hüküm no: 34 Orijinal metin no: [4b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Habibe bt. Abdullah’ın vasiyeti (…) Musa b. Ali ve Cafer? b. Ahmed el-Müezzin ve Hasan (…) ve Cafer b. Abdullah [nâm kimesneler meclis-i şer‘-i şerîfe hâzırûn olup] husûs-ı âti’z-zikri inkâr eden ve âti’z-zikr merhûmenin muhallefâtına vâzı‘-ı yed olan, Habibe bt. Abdullah nâm anası bundan akdem vefât eden Fâtıma bt. Abdullah Çelebi nâm sagīreye kıbel-i şer‘den mansûb vasî el-Hâc Ali b. Abdullah mahzarında, bâ‘is-i hâze’l-kitâb Hüsrev b. Abdullah’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki müteveffât-ı mezbûre hâl-i hayâtı ve kemâl-i akl ve sıhhatinde cemî‘ sülüs-i mâlının vücûh-i hayrâta, vefâtının birinci, yedinci ve kırkıncı gününde ve sene-i devriyesinde fukarâya yemek verilmesine sarf edilmesini vasiyyet etti. İki bin yüz yirmi akçe ta‘yîn etti. Ayrıca râyicü’l-vakt sekiz bin akçe ta‘yîn etti. Tevliyyeti müddet-i hayâtınca âzâdlı kölesi mezbûr Hüsrev’e sonra hâkimin seçeceği kimesneye şart etti. Meblağ-ı mezbûrun mütevellî-i mezbûr yediyle rehn-i kavî ve kefîl-i melî alınarak mu‘âmele-i şer‘iyye ile istiğlâl edilmesini şart etti. Gallenin iki akçesini Hüseyin Çelebi mescidinde her sabah namazında bir cüz tilâvet etmesi üzre mescid-i mezbûr imâmına ta‘yîn etti. Yevmî iki akçeyi mahalle-i mezbûre mescidi müezzinine her akşam namazından sonra Mülk sûresini okuyup sevâbını müteveffât-ı merhûmenin rûhuna hediye etmesi kaydıyla şart etti. Râyicü’l-vakt iki bin akçeyi mahalle-i mezbûre avârızına şart etti. Mu‘takası Peymâne bt. Abdullah’a bin akçe ta‘yîn etti. Kezâ Belkıs bt. Abdullah nâm mu‘takasına bin akçe ta‘yîn etti. Kezâ Hatice bt. Abdullah nâm mu‘takasına bin akçe ta‘yîn etti. Artanın usûlü dâiresinde vücûh-i hayrâta sarf edilmesini şart etti. Müdde‘î-i mezbûru da vasiyyetinin tenfîzine vasiyy-i muhtâr ta‘yîn etti. Vasiyyeti üzre de vefât etti. İbrahim b. Abdullah nâm âzâdlı kölesini de vasî üzerine nâzır-ı hasbî ta‘yîn etti ki vasiyy-i merkūm, nâzır-ı mezkûrun izni ve ma‘rifeti olmadan merhûmenin emvâlinde tasarrufda bulunamayacaktır. O da nezâret-i merkūmeyi kabûl edip hizmet-i lâzımesini edâyı müte‘ahhid oldu. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmağın mûcebince hükm edildi. Cerâ zâlike ve hurrire fî evâili şehri Recebi’l-mürecceb sene hamse ve elf. Şuhûd: Ali b. Bâli, Abdülhalim b. Şükrullah ve Süleyman b. Abdullah ve Şaban b. Abdullah, Nebi b. İdris ve Hamza b. Musa ve Şaban b. Abdullah ve Memi b. Abdullah ve gayruhüm