Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 66 Hüküm no: 38 Orijinal metin no: [5a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Safiye Hatun’un mehir alacağı olduğu (…) [… nâm kimesneler meclis-i şer‘a hâzırân olup] Bundan akdem Şaban Reis b. Abdullah’ın gemisinde fevt olan merhûm Ali Bey b. Abdullah’ın muhallefâtına vâzı‘-ı yed olan, mahmiye-i Galata’da vâki‘ beytülmâl-i hâs emîni fahrü’l-akrân Mehmed Çavuş b. Abdülmennân nâm husûs-ı âti’z-zikri münkir hasm-ı câhid mahzarında, müteveffâ-yı mezbûrun zevcesi hâmiletü hâze’l-kitâb Safiye Hâtun bt. el-Hâc Bayram’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki müdde‘iye-i mezbûrenin, nikâhında ma‘kūdun-aleyh olan mehr-i müecceli cihetinden zevc-i merkūmu zimmetinde râyicü’l-vakt on bin akçe hakkı vardır. Zevc-i mezbûru öldü ve meblağ-ı mezbûr onun üzerinde kaldı. Müdde‘iye-i mezkûreye, meblağ-ı mezbûru kısmen veya tamâmen ahz ü kabz etmediğine, hibe etmediğine, bi vechin mine’l-vücûh ve sebebin mine’l-esbâb hakkını iskāt etmediğine dâir yemîn verilmesinden ve şâhidlerin şehâdetlerinin ba‘de ri‘âyeti şerâiti’l-kabûl inde’ş-şer‘ makbûl ve mu‘teber olmasından sonra, şehâdetleri mûcebince meblağ-ı mezbûrun müteveffâ-yı merkūmun muhallefâtından edâsına hükm edildi. Cerâ zâlike ve hurrire fi’l-yevmi’r-râbi‘ aşer min şehri Şa‘bâni’l-mu‘azzam sene hamse ve elf. Şuhûd: Mustafa b. Ali, Hüsrev b. Abdullah, Mustafa b. Ali, Nebi b. Murad, Ahmed b. Hüseyin, Mahmud b. Ahmed, Hasan b. Yusuf