Galata Mahkemesi 20 Numaralı Sicil (H. 1005 - 1007 / M. 1596 - 1599) cilt: 35, sayfa: 74 Hüküm no: 49 Orijinal metin no: [6b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rüstem Çelebi Vakfı’nın ödünç alacağının sâbit olduğu Mustafa Çelebi b. merhûm (…) [ve (…) nâm kimesneler] meclis-i şer‘-i şerîfe hâzırân olup Hazret-i Ebî Eyyûb-i Ensârî mahallâtından Kasım Çavuş mahallesinde bundan akdem fevt olan merhûm (…)’un Mehmed nâm sagīr oğluna kıbel-i şer‘den mansûb vasî olan Mehmed Çelebi b. (…) nâm hasm-ı câhid mahzarında, merhûm Rüstem Çelebi vakfı’na mütevellî olan Osman Çelebi b. Hamza’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki müteveffâ-yı mezbûr hâl-i hayâtında ve kemâl-i sıhhatinde bizim yanımızda ve katımızda vakf-ı mezbûra karz cihetinden râyicü’l-vakt iki bin akçe, müşterâ-yı makbûz çuka bahâsından ise altı yüz akçe lâzımü’l-edâ ve vâcibü’l-kazâ deyni olduğunu ikrâr ve i‘tirâf etti. Karz dışındaki meblağ, 1002 senesi gurre-i Muharrem-i harâmından bir sene tamâmına müecceldir. Şehâdetleri ba‘de ri‘âyeti şerâiti’l-kabûl inde’ş-şer‘ makbûl ve mu‘teber oldu. Mezbûr Osman Çelebi’ye meblağ-ı mezbûru bi vechin mine’l-vücûh ve sebeben mine’l-esbâb kısmen veya tamâmen ahz ü kabz etmediğine yemîn teklîf olundukda yemîn billâhi’l-aliyyi’l-a‘lâ etmeğin mûcebince meblağ-ı mezbûrun müteveffâ-yı mersûmun muhallefâtından edâsına hükm edildi. Cerâ zâlike ve hurrire min şehri Şa‘bâni’l-mu‘azzam sene hamse ve elf. Şuhûd: İbrahim b. Abdülhay, Mahmud Bey b. el-Hâc İbrahim, Mahmud b. ( ), Kasım b. Mehmed, Mustafa b. Ali, (…)